Sjur Haga Bringeland er musikar, musikkvitar og fast skribent i DAG OG TID, der han kvar veke melder ei ny innspeling av klassisk musikk. Stundom skriv han òg festivalreportasjar og reiseskildringar om kunst og kultur, særleg frå Italia og Tyskland, og om jakt, fiske og friluftsliv i meir heimlege strok. Blokkfløytisten Bringeland er sertifisert viltslaktar og har to mastergradar i høvesvis blokkfløytespel og blokkfløytehistorie. Til dagleg arbeider han som doktorgradsstipendiat ved Senter for Griegforskning på Universitetet i Bergen, der han skriv avhandling om yndlingskomponisten sin, Johann Sebastian Bach.